Visita o centro Érica Esmorís

 O venres 27 de marzo visita o centro Érica Esmoríz para conversar co alumnado de 4º e 5º de Primaria que estiveron a traballando por separado nunha obra diferente desta escritora.

 

O alumnado de 5º traballou sobre a obra Erin e o lobo e entre outras actividades de animación á lectura houbo un concurso de posibles portadas para o libro. Escolléronse os traballos dunha nena de 5ºB e outra de 5ºC e se fixo unha fusión, que é a que amosamos na foto. Mirade como posan moi satisfeitas as autoras do deseño coa escritora.

Visitas con encanto

Ao longo dos meses de marzo e abril estamos a recibir aos autores, autoras e ilustradoras dos libros que lemos durante o curso. 

 

 

-       Visitas de autores:

 

·         11/3/25. Quinto curso  Autora Clara do Roxo co seu libro “ A raposa muiñeira”

                  ·         19/3/25. Terceiro curso. Autora Marta Villar co seu libro “ O peidos Máxicos de Sultán”.

·         19/3/25. Segundo curso. Autora Ledicia Costas co seu libros libros: “  Curriño Benvido ao equipo “ e “ Curriño o can influencer”.

·         22/4/25. Cuarto curso. Carlos Meixide co seu libro “ Anxela e Spencer”.

·         22/4/25. Sexto curso. Autora Andrea García Martínez co seu libro “ Animais Fantásticos de aldea “.

 

                        

                                       Carlos Meixide                                              Clara do Roxo

                                            Marta Villar                                               Ledicia Costas

 

Novidades decembro

 Xa tedes na biblio as novidades deste mes. Esperamos que vos gusten!

Gloria Fuertes na radio

Os de 3ºA e 3ºD estiveron facendo diferentes actividades sobre Gloria Fuertes e para que poidamos escoitar todos e todas os seus podcast deixámosvos por aquí os dous enlaces. Parabéns polo traballo!

Gloria Fuertes 3ºA

Gloria Fuertes 3ºD

Mulleres importantes na historia

 Seguimos cos seguintes capítulos gravados o 8 M, onde podemos coñecer mulleres moi relevantes na historia e algunhas curiosidades.

Neste capítulo aprendemos sobre:

-       Maruja Mallo, pintora española.

-       Arelys Henao, cantante e compositora da música colombiana.

Pincha aquí para escoitalo: Capítulo 6

Neste capítulo investigamos sobre:

 

-       Frida Kahlo, pintora mexicana.

-       Julia Minguillón, pintora española.

Pincha aquí para escoitalo: Capítulo 7

E aquí deixamos uns capítulos sobre curiosidades:

Curiosidades 1

Curiosidades 2

Curiosidades 3

DÍA DA MULLER

O 8 de marzo celébrase o Día da Muller, na biblioteca temos unha exposición de libros cos que podedes coñecer a moitas mulleres importantes que fixeron historia.

Novidades lectoras

 E aquí vos deixamos as novidades de marzo. Esperamos que vos gusten!

Rematamos os primeiros clubs de lectura

Coas recomendacións lectoras poñemos fin aos primeiros clubs de lectura. A próxima semana comezamos cos novos. Aquí vos deixamos algunhas fotos e o enlace aos podcast de cada un deles, por se queredes escoitalos de novo na casa.

Club de lectura "El club de los raros" de 4º:

Pincha aquí enlace ao "Club de los raros"

Club de lectura "O xenio da cidade do Sal", de 5º:

Pincha aquí para "O xenio da cidade do Sal"

Club de lectura "Conta nove estrelas", de 6º:

Pincha aquí para "Conta nove estrelas"Conta Nove estrelas

Visita de Rosa Aneiros

Hoxe  volvemos ter a visita de Rosa Aneiros, a escritora do libro "Tres bichicomas, dúas illas e unha serea", pero esta vez para poder conversar co alumnado de 5º.

Rematando os primeiros clubs de lectura

Esta semana tocounos despedir dous clubs de lectura para comezar cos novos. O pasamos moi ben gravando as recomendacións lectoras na radio. Esperamos que vos gusten!

Visita Rosa Aneiros

Esta semana, entre mandato do Meco e mandato de Meco, tivemos a sorte de ter unha visita moi especial, a visita de Rosa Aneiros.

Despois de que os de 3º leran o libro de "Catro plumas de dinosaurio", pudieron compartir a experiencia coa súa autora.

Esta é a reseña do libro por se te animas a lelo, está na biblioteca:

"Xoel é un apaixonado dos dinosauros. Durante a excursión do cole ás Fragas do Eume está convencido de que ha atopar unha porta secreta que lle permitirá coñecer restos do Cretáceo. Trabúcase. Si, a porta secreta da que lle falou a vella Monegunda existe, mais do outro lado non hai fósiles senón dinosauros de carne e óso! Aí dará comezo unha extraordinaria aventura na que deberá fuxir das gadoupas (e das cagadas) de diplodocus, triceratops ou pteranodons grazas á axuda de Diana, Matilde e un convidado inesperado: o fedello de Carlos, o máis malote da escola."

E aquí deixamos unhas fotiños do mércores:

Que teñades moi boas vacacións de Entroido!! 

Día Mundial da Radio

 

O  día 13 de febreiro foi o Día Mundial da Radio, este día foi elexido pola Asamblea Xeral das Nacións Unidas (ONU) no ano 2012.

Para celebralo estivemos gravando as recomendacións lectoras dos libros que rematamos nos clubs de lectura de 5º e 6º:  "La historia de Iqbal" de Francesco D'Adamo e "Folla Azul" de Andrea Maceiras.

Estas gravacións emitíronse o Día Mundial da Radio na hora lectora. Esperamos que vos gustaran e vos animedes a ler os libros.

E aquí podedes escoitar as recomendacións lectoras:

Club Iqbal

A folla azul

Día Internacional da Muller e da Nena na Ciencia

 O día 11 de febreiro celébrase o Día Internacional da Muller e a Nena na Ciencia.

Sabes por que? O 22 de decembro de 2015, a Asamblea Xeral das Nacións Unidas decidiu designar o 11 de febreiro como o Día Internacional da Muller e da Nena na Ciencia para conmemorar e recoñecer a traxectoria de todas aquelas mulleres que contribuíron ao avance da ciencia e da tecnoloxía. O seu obxectivo é visibilizar e revalorizar o traballo das mulleres investigadoras en todo o mundo e eliminar os roles de xénero.

Se queredes saber que se necesita para ser unha científica pincha neste enlace Vídeo.

Na biblioteca temos preparada unha exposición temática sobre as mulleres na ciencia.

Tamén vos deixamos un xogo de cartas para que coñezades máis sobre as mulleres científicas.

Seguimos con Rosalía

 Recordade que temos en marcha o concurso de Rosalía de Castro. Podedes deixar os vosos poemas e debuxos no buzón da entrada.

Tamén tendes na biblioteca unha exposición de libros de Rosalía para que poidades coñecer máis sobre a súa vida e os seus poemas.

Máis novidades

 

Concurso de poesía de Rosalía de Castro 3º-6º curso

 

Concurso de debuxo de Rosalía de Castro 1º e 2º

 

Día da Paz

 Volvemos ao cole e xa temos preparada a exposición temática dos libros sobre a Paz.

Retomamos os clubs de lectura!

 Ola a todos e todas!

Despois do parón pola situación destes últimos cursos volvemos a facer os clubs de lectura. A acollida foi moi boa e xa están en marcha. Esperemos que os disfrutedes.

Este ano os libros que eleximos para este trimestre son:

- A señorita Bubble.

- El Club de los raros.

- A folla azul.

- O xenio da cidade do Sal.

- La historia de Iqbal.

- Conta nove estrelas.

Semana do Libro

Unha de contos...

Este curso retomamos os apadriñamentos lectores para conmemorar o Día do Libro. Que ben o pasamos e canto botabamos de menos pasar un anaquiño cos compañeiros e compañeiras.