Pareados 3ºB

As nenas e nenos de 3º B estiveron practicando pareados coa súa titora para despois gravar en radio, aquí os podedes escoitar. Pareados 3ºB

Proxecto Anual "Un mundo de cores"

Rematamos o curso e xa temos recollidas todas as actividades do  proxecto anual  "Un mundo de cores". 

Aquí vos deixamos uns vídeos explicativos feitos polo alumnado. Parabéns a todos e todas polo traballo! Moi chulos!

Podedes atopar os vídeos de 1º, 2º e 3º no blog de galego: http://faladoirodofleming.blogspot.com/2023/06/un-mundo-de-cores.html

Clubs de lectura terceiro trimestre

Club 4

Club 5 

Feliz Día das Letras Galegas

 

Contacontos no Vila Laura con 3º

De novo visitamos o Vila Laura, pero esta vez tocoulle o turno ás clase de terceiro. Pasámolo moi ben contándolles un conto aos máis pequenos. Ademais, tivemos a sorte de que nos ensinaran os seu patio novo e poder xogar todos xuntos e xuntas. Aquí vos deixamos un enlace para que poidades ver o vídeo do ben que o pasamos.

Contacontos

Scrabble

Despois de xogar todo o segundo trimestre ao Scrabble xa non nos quedaban letras coas que formar palabras. Sumamos todas as puntuacións e as clases gañadoras foron 3ºD e 6ºC. Parabéns!

Gloria Fuertes na radio

Os de 3ºA e 3ºD estiveron facendo diferentes actividades sobre Gloria Fuertes e para que poidamos escoitar todos e todas os seus podcast deixámosvos por aquí os dous enlaces. Parabéns polo traballo!

Gloria Fuertes 3ºA

Gloria Fuertes 3ºD

Contacontos no EEI Vila Laura

E seguimos con actividades realizadas polo Día do Libro.

Este ano os nosos compis do colexio EEI Vila Laura invitáronnos a realizar unha xornada de apadriñamentos lectores. O alumnado de 6º sentouse con 2/3 alumnos das diferentes clases de infantil para contarlles un conto...foi unha actividade moi bonita!!

Despois fixemos un taller de Gloria Fuertes co alumnado de 5 anos nas súas aulas. Léronlles un poema e o ilustraron xuntos.

Foi unha xornada de convivencia moi chula!

Podedes ver un vídeo resumo deste día e o enlace ao seu blog. Pincha aquí: http://vilalaurainfantil.blogspot.com

Apadriñamentos lectores

E aquí vos deixamos un vídeo dos apadriñamentos lectores, pasámolo moi ben compartindo lecturas cos compañeiros e compañeiras!

Visita de Ramón D. Veiga

Seguimos coas actividades enmarcadas no Día do Libro.

Hoxe Ramón D. Veiga, autor do libro "Miñoca e Pega", viu visitar ao alumnado de 1º. Aquí deixamos unhas fotos das catro clases.

Visita Andrea Maceda

Hoxe tivemos a visita de Beatriz Maceda, autora do libro "As sentinelas do silencio" o cal estivemos traballando na clase.

Aquí vos deixamos unhas fotiños.

Semana do libro

Entramos na semana do Día do Libro, pero sabedes por que se celebra o 23 de abril? Este día foi escollido porque o 23 de abril de 1616 faleceron Miguel de Cervantes, William Shakespeare e Garcilaso de la Vega.

Para celebralo, estas semaniñas teremos moitas actividades: apadriñamentos lectores, visitas de autores e autoras, contacontos ao alumnado de Villalaura, actividades de Gloria Fuertes... Seguide atentos e atentas ao noso blog para non perdervos nada e non olvidedes pasar pola biblioteca.

Partida do Scrabble

 Recordade que aínda podedes xogar ao Scrabble, xa queda menos para acabar as letras.

Mulleres importantes na historia

 Seguimos cos seguintes capítulos gravados o 8 M, onde podemos coñecer mulleres moi relevantes na historia e algunhas curiosidades.

Neste capítulo aprendemos sobre:

-       Maruja Mallo, pintora española.

-       Arelys Henao, cantante e compositora da música colombiana.

Pincha aquí para escoitalo: Capítulo 6

Neste capítulo investigamos sobre:

 

-       Frida Kahlo, pintora mexicana.

-       Julia Minguillón, pintora española.

Pincha aquí para escoitalo: Capítulo 7

E aquí deixamos uns capítulos sobre curiosidades:

Curiosidades 1

Curiosidades 2

Curiosidades 3

Gañadores e gañadoras do reto matemático

 Esta semana repartimos os premios para os gañadores e gañadaras do reto matemático. Parabéns!! E grazas a todos e todas os que participáchedes.

Radio no Día da Muller

 Hoxe conmemoramos o Día da Muller e  por aquí vos deixamos uns programas de radio cos que estivemos vendo a importancia da muller na historia. Coñecimos a mulleres médicas, científicas, investigadoras, deportistas, bailarinas...Todas destacadas no seu ámbito! Se queredes saber máis estade atentos e atentas aos próximos programas ou pasádevos pola exposición de libros da biblio.

Para escoitalo podedes pinchar aquí: Capítulo 1 Neste capítulo coñecemos a figura  da profesora, zoóloga e oceanógrafa Ángeles Alvariño e a deportista Danica Patrick, primeira muller en gañar unha carreira na IndyCar.

Capítulo 2: Margarita Salas. Neste capítulo nos adentramos na figura da bioquímica española Margarita Salas, discípula de Severo Ochoa.

Capítulo 3: Sophie Germain. Coñecemos a matemática e física francesa Sophie Germain, quen fixo importantes investigacións sobre a teoría dos números.

Capítulo 4: Margarethe Greta Hermann Neste capítulo aprendemos sobre a figura da matemática e filósofa alemana Margarethe Greta Hermann e a astrónoma alemana Carolina Herschel.

Capítulo 5: Preguntas mujeres en la historia

Nuns días subiremos os próximos capítulos.

DÍA DA MULLER

O 8 de marzo celébrase o Día da Muller, na biblioteca temos unha exposición de libros cos que podedes coñecer a moitas mulleres importantes que fixeron historia.

Semana da Prensa

 Do 6 ao 10 de marzo celébarase a Semana da Prensa, para conmemorla propoñémosvos a seguinte actividade.

Novidades lectoras

 E aquí vos deixamos as novidades de marzo. Esperamos que vos gusten!

Rematamos os primeiros clubs de lectura

Coas recomendacións lectoras poñemos fin aos primeiros clubs de lectura. A próxima semana comezamos cos novos. Aquí vos deixamos algunhas fotos e o enlace aos podcast de cada un deles, por se queredes escoitalos de novo na casa.

Club de lectura "El club de los raros" de 4º:

Pincha aquí enlace ao "Club de los raros"

Club de lectura "O xenio da cidade do Sal", de 5º:

Pincha aquí para "O xenio da cidade do Sal"

Club de lectura "Conta nove estrelas", de 6º:

Pincha aquí para "Conta nove estrelas"Conta Nove estrelas