Magosto tamén no colexio

Nos días comprendidos entre o 1 de novembro (Todos os Santos) e o 11 de novembro (San Martiño), adóitase celebrar a festa do Magosto, onde non faltan as castañas asadas no lume, os chourizos, a empanada..

CANTIGAS POPULARES

Non chas quero, non chas quero,
castañas do teu magosto;
non chas quero, non chas quero,
que me cheiran ó chamosco.


Acabáronse as vendimas
e veñen as esfolladas,
para comer coas meniñas
catro castañas asadas.


As castañas son castañas,
os ourizos son ourizos;
os ollos da túa cara
para min son dous feitizos.
...
San Martiño de Ourense,
bota as castañas embaixo,
pero bótaas ben grandiñas
que ás pequenas non me abaixo.


Moza que estás no canizo,
bota castañas embaixo,
que anque non teño mandil
apáñochas co refaixo.
...